එහෙම වෙන්න ඇති

 සුවහසක් මල් උයන්
වේලාසන පැමිණියවුන්ගෙන් පිරී තියෙන්න ඇති

ලාබ කාමරයකි එන්න කීවත්
පීලි නොපැනම මගහැර යන්න ඇති

හිරිකඩ පිඹින වෙරළ අද්දර
කෙටිටු පපුවට අගුණ වෙන්න ඇති

නොලද්දෙන් අන් තැනක්
තබා සෙරෙප්පපුව , පීල්ල මත ඉඳ ගන්න ඇති

ප්‍රේමයේ විසල් තුරැ සිහිලැල්ල
දලු මල් ඵල පුබුදන්න ඇති

අනියත ප්‍රේමයක පීලි මත උනුන් තුරැළුව
අපිත් රේල් පීලි වාගෙයි කියා හෙමිහිට මුමුණන්න ඇති

දී ඇති පීල්ලෙම හැමදාම දුවන රේල්ලුව 
හු කියාගෙන එදත් දුව එන්න ඇති

දුටු දුටු දනා ආලය අන්ධයි කියාගෙන
ආපු පීල්ලෙ යන්න ඇති.

නිමිත්ත - රේල් පීල්ලේ වාඩි වී සිට පෙමි යුවල දුමිරියට බිලි
 උපුටා ගැනීම 2011 අගෝස්තු 21 රාවය පුවත් පත.

අසුරු සැනින් එක මොහොතක දී

අසුරු සැනින් එක මොහොතක දී
කාලය නැවතී යලි ඇරඹී
විශ්වය අලුතින් බිහි වේවා
ඔබේම වී මා මඟේම වී ඔබ
අපේම වී අප ඉපදේවා                               

යෙහෙළියන්ගෙ ඉඟි දිනක සැබෑ වී
ඔබේම කුල ගෙයි පතිනිය වන්නට
මතු යම් දවසක හැකි වේවා
ඔබේම වී මා මඟේම වී ඔබ
අපේම වී අප ඉපදේවා

සෙනෙහෙ විමානේ කිරුල දරන දා
සිඟිති තොලට කිරි හිනා දකින්නට
එක සෙවනක දී හමුවේවා
ඔබේම වී මා මඟේම වී ඔබ
අපේම වී අප ඉපදේවා


මේ මම ගොඩක් ආදරේ කරන සිංදුවක් මෙතනින් ගිහින් ඔයාලත් අහල බලන්න

නුඹ

උදයට හිරැ නැගී සවසට බසින            කොට
සවසට නැගුන සඳු උදයේ නොමැති       විට
අද දුටු ඡීවිතය නොපෙනෙන නමුදු        හෙට
අමතක කල හැකිද නුඹ ගැන සිතුවිලි    හිතට


තරැකැටවන් ඒ දෙනුවන් කාන්තියෙන්       බබලයි
පුන්සඳවන් වත කමලේ සිනාව නම්            කදිමයි
මද පවනේ දඟ කරනා කෙහෙරැලි මන        පිනවයි
නුඹ දැක්මෙන් උනන සතුට මහ සමුදුර         පරදයි


දවස පුරා සුන්දර රැව මගේ මනසේ           මැවෙයි
ඒ රැව සිප සැනසෙන්ට බැරි වීමත්                දුකයි
කුළුදුල් පෙම සුන්දර බව වැටහුනෙ නුඹ       නිසයි
නුඹ සැමදා හද අරනේ නාරි                       ලතාවයි